ملتقى المغتربات العدد(2)

[awham]

http://img523.imageshack.us/img523/2253/besm8dg4.gif

عندما تحكمنا ظروفنا على أن نفارق الوطن..

يكون الألم..

ونفقد مامعنى أن يكون الإنسان في وطنه..

بين أهله وأحبته..

في المكان الذي أبصر النور فيه..

وعرف العالم من خلاله..

مسافات من المعاناة..

تجبرنا الأيام على عبورها..

لكننا نصمد..

على أمل أن نعود يوما ونحرق كل الألم والمعاناة..

في لحظة فرحة يضمنا فيها الوطن..


http://img267.imageshack.us/img267/2633/mod179vh.gif


باسمي وباسم جميع الملكات وعلى راسهم الاخت رباب نحاول ان نقرب من هو

بعيد عن اهله

من خلال صرحنا الرائع والمميز

مملكـــــــــــــــة المـــــــــــــــــــراة


http://img267.imageshack.us/img267/4079/mod199ol.gif


ونستضيف من خلالها كل يوم اثنين ملكة مغتربة بدولة ما عربية كانت او اجنبية

ننقاش اجواء الغربة بمرارتها وحلاوتها وطبعا للحلاوة فيها نصيب


http://img267.imageshack.us/img267/2633/mod179vh.gif


وعليه فانه يشرفني ويسعدني

ان يكون بضيافتي اليوم ملكة مغتربة في دولة عربية وهي الكويت

فمرحبا بالاخت A&R

وهي عضوة معنا بالمملكة وتحصلت على الاشراف مؤخرا لقصر الترفيه

والمسابقات فالف مبروك لك على الاشراف.

(لكي مني شكر خاص لتلبيتكي الدعوة ).

http://img267.imageshack.us/img267/2633/mod179vh.gif


ومرحبا مليون برفيقتي بالموضوع الغالية رباب


http://img267.imageshack.us/img267/2534/mod134tl.gif قبل كل شيء اختي الغالية اريد التعرف عليكي. http://img267.imageshack.us/img267/2534/mod134tl.gif


http://img267.imageshack.us/img267/2633/mod179vh.gif

[رباب عبد العاطي]

حبيتى اوهام بشكرك لاتاحتك الفرصة لنا لنتعرف على ملكة جديدة انضمت الينا فى قسم الاشراف هى الاخت A&R ارحب بوجودك معنا
اولا بهنيك للمرة الثانية وبقدم لك هذه الباقة من الورود
http://www.arabsys.net/pic/wrod/37.gif (http://www.arabsys.net/pic/index.php)
وبرحب بوجودك معنا
هنسعد بالتعرف عليكى

[A&R]

أنا زى اى بنت مصرية بحكم الغربة خلصت مرحلة الثانوية وثم عدت مرة اخرى لبلدى الحبيبة مصر لاكمال المرحلة الجامعية ومن ثم عدت مرة اخرى للكويت بحكم وجود عائلتى هنا

[رباب عبد العاطي]

حبيبتى لا داعى لذكر اسمك كما اتفقنا لك الحريه فى ذلك

[رباب عبد العاطي]

حبيبتى نريد التعرف عليكى اكثر هل محل الميلاد فى مصر ام الكويت

[A&R]

انا من مواليد دولة الكويت وخريجة نظم معلومات ادارية 2005 وبالنسبة لى الكويت فعلا بلدى الثانى . وطبعا لازم انزل مصر كل صيف ومن خلال دراستى فى الجامعة فى القاهرة اتعلقت فى مصر كتير قوى لدرجة انى خلاص ما كنتش عاوزة ارجع تانى واعيش فى الكويت بس طبعا كان لازم بحكم وجود اهلى هنا .

[رباب عبد العاطي]

حبيبتى اكيد مش هتشعرى بغربة وانتى فى بلد عربى شقيق ولا هل وصل لك الاحساس بالغربة

[A&R]

بصراحة احساس الغربة بالنسبة لى هو بعد اهلى عنى بغض النظر عن مكان وجودى ففى بعض الاحيان كنت بانزل مصر عشان دراستى لمدة قصيرة عشان امتحاناتى وارجع وقتها بابقى عاوزة ارجع للمكان الى فية اهلى بغض النظر عن مكانى . وكمان بعد دراسة الجامعة كونت صداقات جميلة جدا والحمد لله مازالت وانا على اتصال دائم معهم كم تمنيت انى اكمل واعيش فى مصر جالى احساس غريب ( يا بخت البنات فى مصر ) مهما كانت الكويت جميلة بس مصر بلدى حرية اكتر امان اكتر فى اختلاف طبعا فى اسلوب المعيشة فى الكويت ومصر وخاصتا بالنسبة للبنت تفرق كتير

[رباب عبد العاطي]

بصراحة احساس الغربة بالنسبة لى هو بعد اهلى عنى بغض النظر عن مكان وجودى ففى بعض الاحيان كنت بانزل مصر عشان دراستى لمدة قصيرة عشان امتحاناتى وارجع وقتها بابقى عاوزة ارجع للمكان الى فية اهلى بغض النظر عن مكانى . وكمان بعد دراسة الجامعة كونت صداقات جميلة جدا والحمد لله مازالت وانا على اتصال دائم معهم كم تمنيت انى اكمل واعيش فى مصر جالى احساس غريب ( يا بخت البنات فى مصر ) مهما كانت الكويت جميلة بس مصر بلدى حرية اكتر امان اكتر فى اختلاف طبعا فى اسلوب المعيشة فى الكويت ومصر وخاصتا بالنسبة للبنت تفرق كتير

حبيتى انا اتفق معك فى هذا الراى فعلا انا ممكن اشعر بغربة وانا داخل مصر طالما كنت فى مكان اخر بعيده فيه عن اهلى
فترة تواجدك فى مصر خلال فترة الامتحانات فقط ولا كنتى بتنزلى زيارة مع الاسرة

[A&R]

وانا صغيرة كل صيف لازم كلنا ننزل مصر نقضى أجازة الصيف شهرين ونصف ونرجع مرة تانية على الدراسة هنا بس بعد الثانوية الموضوع اختلف ورجعنا مصر وماما استفرت معانا طبعا وبابا كان بينزل اجازة كل 3 شهور تقريبا وساعات نسافر احنا الكلام دة لغاية ماخلصت الدراسة فى مصر وبالنسبة لى هى دية ضريبة الغربة بعد ما يكبروا الاولاد تبدأ الاسرة فى الافتراق او التباعد يعنى ماما معانا وبابا هنا لوحدة .

[رباب عبد العاطي]

اختى الحبيبة مش انتى لوحدك الكثير مثلك مثلا انا خالى مغنرب لكن فى السعودية وكان معه زوجته واولاده حتى كبروا وغير مسموح لهم بدخول الجامعة هناك
من يتم الثانوية العامة ينزل مصر فاصبح اولاده كلهم عايشين فى مصر وهو وزوجته عايشين فى السعودية
وابنائه هنا فى رعاية عمهم وهم فى عيونا

[رباب عبد العاطي]

كما قلتى ضريبة الغربة يدفعها من قبلها ويتحمل ابنائه ذلك

[رباب عبد العاطي]

اختى الحبيبة ممكن تكلمينا عن الحياة فى الكويت
طبيعة التعامل هناك

[A&R]

والله احلى حاجة عاجبتنى فى الكويت هى ان كل واحد فى حالة نظرا لتعدد الجنسيات واختلاف العادات والتقاليد يعنى احنا لينا اقارب هنا بنشوفهم فى الاجازات بس باقى ايام الاسبوع هنا فى الكويت ( معسكر عمل ) كل الناس بتشتغل وهنا الشغل برضوا على قد ما بتتعبى على قد ما بتاخدى فية نظام وبالنسبة للطلبة طول الاسبوع دراسة ومزاكرة ومدرسة والاجازات هنا بالنسبة للمدارس والجهات الحكومية خميس وجمعه اما للجهات الخاصة الخميس نصف دوام والجمعة اجازة رسمية ,,, الناس بتتعامل معاكى هنا بناءاً على شغلك وكفائتك والحمد لله انى فى دولة عربية الموضوع مش مأثر كتير فى العادات والتقاليد بس كل مجتمع فى التفتح والحضارة

[awham]

اهلا بيكي A&R وسعداء جدا لانك لبيتي الدعوة
حبيت اسالك عن اكثر شيء عجبك او تعلمتيه من الشعب الكويتي

[رباب عبد العاطي]

اختى الحبيبة انا شايفه ان احلى حاجه فى مصر الترابط الذى يجمع بين افراد شعبها بمعايشتك فى الكويت تعرفتى على شعب الكويت ممكن تكلمينا عن عاداتهم وتقاليدهم فى الزواج وغيرها من التقاليد

[A&R]

القانون فوق الكل ( فلا فرق فى المدارس بين الطالبة العادية وبنت الناظرة ) المعاملة واحدة تماما بل بالعكس .. وأكثر صفة بجد هى حبهم الكبير وانتمائهم لبدهم كثيرا غير باقى الشعوب يتفاخرون بانهم كويتيون
أما اسوأ صفة هى الترفية زيادة عن اللازم والدلع خاصتا الاجيال الجديدة وكلامى طبعا ليس مقياس على الجميع فان اغلب الجهات الخاصة يعمل بها بنسبة 95 % من الوافيدين و5 % فقط من المواطنين ,, هذا هو رأى الشخصى طبعا

[awham]

A&R اكيد هناك اماكن سياحية جميلة في الكويت
ممكن تعرفينا على اهم الاماكن التي قمت بزيارتها
اوتسمعي عنها حتى تكون لنا مرجعا يوما ما اذا
سمحت لنا الفرصة بزيارة هذا البلد الجميل

[A&R]

أكثر مكان سياحى فى الكويت هى أبراج الكويت وهى من اهم معالم الكويت وهذة صور لها وبداخلها مطاعم وكافية ومن خلالها تستطيعى ان تنظرى الى الكويت كلها من خلال منظار وذلك نظرا لارتفاعها

http://www.kaanz.com/vb/up/uploads/988bd23c59.jpg (http://www.kaanz.com/vb/up)

وباقى الاماكن السياحية فى الكويت
ابراج الكويت
المدينه الترفيهيه
حديقه الشعب
الاكوابارك (للالعاب المائي)
صاله التزلج
شاطئ المسيله
حديقه الحيوان
الخيران
منتجع شيك
يوم البحار
منتجع الهلتون
منتجع كمبنسكي
منتجع الوطنية

مليئة بالمجمعات الكبيرة والمبانى الحديثة

[رباب عبد العاطي]

يلا حبيبتى اعطينا نبذه عن عاداتهم وتقاليهم فى الزواج واشهر الاكلات هناك

[ام سعيد]

السلام عليكم اخوتي الغاليات

[A&R]

أسرة آل الصباح في الكويت هى الاسرة الحاكمة فتولى منصب أمير البلاد هنا وراثى وليس جمهورى كما عندنا فى مصر من خلال الانتخابات

يتكون البيت الكويتي عادة من ساحة واحدة، إلا أن الأسر المقتدرة تقوم بتشييد ساحة منفصلة أو تحديد غرفة في جانب من البيت يطلق عليها "ديوانية".
هذه الغرفة أو الساحة تكون منعزلة أو منفصلة ، وهي عبارة عن مكان عام لاستقبال الضيوف وللإلتقاء بالجيران والأصدقاء والأقارب لمناقشة الأحداث وتبادل الأحاديث والحكايات في وقت الفراغ.
ويقوم صاحب الديوانية بنفسه بتحضير القهوة للضيوف أو يعين عاملا مختصا للقيام بهذه المهمة وهذا اكثر مكان يتجمع بة الشباب

الزى الرسمى للرجال هو الأزياء الرجالية
الأزياء الرجالية دشداشة
اما للنساء هى العباية
كما ينقسم المجتمع الكويتى الى قسمين الحضر وهم اكثر حرية واكثر تفتح ( يليس الرجل مثلما يريد وكذلك الفتاة ) أما البدو وهم المتمسكون بالعادات القديمة وهنا يلبس الرجل الدشداشة والغترة والعقال اما المرأة العباية والنقاب
كما ان افراحهم هنا تختلف كثيرا عنا فهنا الافراح منفصلة الرجال بعيد عن النساء
وتكاليف الزواج هنا فى الكويت كل شىء على الرجل من تأثيث الاثاث وتجهيز البيت وشبكة العروس وايضا مهر للعروس تأخده لتشترى بة اغراضها
اما الاكل اكثرها شيوعا المجبوس والبريانى والهريس
أتمنى اكون فدتكم فى معلوماتى الى اعرفها

[رباب عبد العاطي]

اولا بنرد تحية ام سعيد وعليكم السلام ورحمة الله وبركاته ارحب بك معنا وارحب بكل ضيوفنا المتواجدين معنا للتعرف على المشرفة الجديدة الاخت A&r ارحب بكم جميعا

[awham]

اهلا بيكي حبيبتي ام سعيد منورة ملتقى المغتربات
يلا مستنينك من الصبح

[رباب عبد العاطي]

فعلا معلومات قيمة قمتى بتقديمها الينا
حبيبتى هل ستقيمى بعد زواجك فى مصر ولا الكويت

[awham]

A&R ماهي الاكلة المشهورة او الطبق المعروف في دولة الكويت

[A&R]

ارحب بالغالية ام سعيد وكل الضيوف
ان شاء الله سأتزوج فى بلدى مصر ومن ثم اعود مرة اخرى للكويت لان شكلى انكتب عليا وعلى أطفالى لما ربنا يكرمنى ان شاء الله انى اعيش هنا طبعا عاوزين تعرفووووا ليه لان خطيبى كمان من مواليد الكويت وبيشتغل هنا برضوة وظروفه نفس ظروفى

[رباب عبد العاطي]

حبيبتى اقول لك ايه كفايه غربة لعدم تكرار سيناريو الغربة مع اولادك
والرجوع لمصر وانتوا كتب لكم رزق فى هذه البلد
انتو ممكن تكونوا نفسكم ثم عند مرحلة معينة ترجعوا لبلدكم حتى لا تعيشى مشتته بين اولادك وزوجك كما تفعل مامتك بارك الله لك فيها

[A&R]

اكثر الاكلات شيوعاوخاصتا فى رمضان وتكون يوميا على مائدة الافطار في رمضان (الهريس) وهو حب القمح يطبخ مع اللحم وكذلك الجريش وهو حب القمح المجروش ويطبخ مع اللحم او الدجاج ولا ننسى التشريبة التي هي عبارة عن خبز رقاق يوضع عليه مرقة مطبوخة مع اللحم او الدجاج والخضار وتكون خفيفة حيث يوضع خبز الرقاق في الطبق ويصب عليه المرق ويقلب حتى يتشرب الخبز جيدا بالاضافة الى الارز,

[A&R]

والله فى دلوقتى جامعات خاصة مسموح بها لكل الجنسيات وكذلك الجامعه الامريكية كما سيتم فتح فرع لجامعة القاهرة هنا فى الكويت ودة طبعا شىء جميل لكل الاسر المصرية لجمع شمل العائلة ومن هنا لوقتها ماحدش عارف ايه ممكن يحصل

[الدمشقية]

أولاً أنا بشكر رباب وأوهام على ما تبذلانه من أجل تعريف أعضاء هذه المملكة ببعضهم البعض وبقول: ربنا يوفقكم ويقويكم يارب
وربنا يجعلنا جميعاً في هذه المملكة من المتحابين في الله ويجمعنا جميعاً تحت ظل عرشه يوم لا ظل إلا ظله

وثانياً بقول أهلاً وسهلاً فيك حبيبتي A&r وربنا يوفقك ويسعدك يارب

[رباب عبد العاطي]

والله فى دلوقتى جامعات خاصة مسموح بها لكل الجنسيات وكذلك الجامعه الامريكية كما سيتم فتح فرع لجامعة القاهرة هنا فى الكويت ودة طبعا شىء جميل لكل الاسر المصرية لجمع شمل العائلة ومن هنا لوقتها ماحدش عارف ايه ممكن يحصل

معنى كده انك تاقلمتى على الحياة فى الكويت
هل لك صديقات فى كل من مصر والكويت

[awham]

اهلا بيكي حبيبتي الدمشقية معانا اسعدنا حضورك

[رباب عبد العاطي]

أولاً أنا بشكر رباب وأوهام على ما تبذلانه من أجل تعريف أعضاء هذه المملكة ببعضهم البعض وبقول: ربنا يوفقكم ويقويكم يارب
وربنا يجعلنا جميعاً في هذه المملكة من المتحابين في الله ويجمعنا جميعاً تحت ظل عرشه يوم لا ظل إلا ظله
وثانياً بقول أهلاً وسهلاً فيك حبيبتي A&r وربنا يوفقك ويسعدك يارب

حبيبتى واختى الغاليه على قلبى ارحب بك ودائما تسعدينا بمشاركتك الكريمه هامم على دعائك بان يجمعنا الله جميعا تحت ظل عرشه يوم لا ظل الا ظله متحابين فى الله
واحنا كلنا متشوقين للتعرف عليكى فى موضوعنا الذى اتفقنا عليه

[A&R]

اولا ارحب ب الدمشقية معنا بالحوار

أكيد اتأقلمت على العيش هنا وللاسف كل صحباتى فى مصر فقط ولى هنا زملاء من خلال العمل ولكن العلاقات محدودة جدا فدائما انتظر الصيف لألتقى باصدقائى هناك ونعيد زكريات الايام التى قضيتها هناك أيام الجامعة وقتها زى ما قلت بابقى عاوزة اعيش هناك عالطول وكمان الحياة هنا فى الكويت زى ما قلت ليها سلبيات وايجابيات يعنى الوعى الدينى هنا حلو جدا ,,, بالنسبة لى انا كفتاة اسوء ما فى الحياة هنا لاتوجد حرية للفتاة كثيرا فأنا لا استطيع الخروج لوحدى فقط مع اهلى اما فى مصر امان اكثر وحرية اكثر

[الدمشقية]

حبيبتي رباب أنا تحت أمرك وإن شاء الله صارت ظروفي أحسن

حبيبتي A&r فعلاً نسمع ان كثيراً من البلاد العربية
لكن سؤالي
عندما تكونين أنت واهلك في مصر ألا تحني إلى الكويت أبداً (طبعاً لأنه إذا كان أهلك بعيدين عنك فإنك ستحني لهم)

[رباب عبد العاطي]

ضيوفنا الاعزاء استاذنكم ساغيب عنكم لفترة قصيرة واعود اليكم مرة اخرى
وارحب بكم جميعا وبضيفتنا الكريمة A&r
ساتركم مع حبيبتى وصاحبة الموضوع والفكرة الاخت اوهام

[A&R]

بكل تأكيد احن اليها كثيرا لانى عشت كل مراحل عمرى فيها ما عدا المرحلة الجامعية فكل ذكرياتى هنا وايام الطفولة والله يا جماعة اروح مصر ابقى مبسوطة جدا بس فعلا باحن للكويت وارجع الكويت بابقى عاوزة انزل مصر تانى دى مشكلة الغربة وخاصتا للمكان الى اتولدت وعشت سنين عمرى فية

[مرفت رضوان]

اهلا بيكى ياA&R فى هذا الموضوع الجميل الذى يذيب المسافات بيننا ويعلنا اكثر قربا من بعض
اولا اريك ان تختارى اسم دلع عربى اناديكى بيه مش كل مره اقلب الكيى بورد واكتب اسمكhttp://www.cosgan.de/images/more/bigs/a200.gif
ياريت تحكيلنا لما بتنزلى مصر بتتفسحى فين وايه احلى مكان بتحبيه

[الدمشقية]

يعني حبيبتي إذا جاءك عريس كويتي هل تقبلي به؟ ولو علمت بأن اهلك سينهون اقامتهم بالكويت ويعودون إلى مصر

[A&R]

سعيدة بوجودك معاية غاليتى مرفت رضوان
اسم الدلع الى تقولى علية لانى فكرت وبجد مش عارفة الى تقولى علية يمشى يا قمر
اما الاماكن الى بحبها فى مصر سيتى ستارز لانه جنب بيتنا بتجمع فية انا وصحابى وكنا بمعدل 4 مرات فى الاسبوع بنروح نتغدى هناك او نقعد فى كافية او نشترى لبس وطبعا جنينة مول ومن الاماكن الى اهلى لازم كل اجازة نرحها الحسين لازم نسهر فية نتعشى غير طبعا اسكندرية يعنى يعتبر مش بنستقر فى مكان محدد كل شوية فى مكان وشوية فى محافظة الشرقية انا اصلا من هناك .... بابقى زى الطير المهاجر هنا وهناك ههههه

[A&R]

يعني حبيبتي إذا جاءك عريس كويتي هل تقبلي به؟ ولو علمت بأن اهلك سينهون اقامتهم بالكويت ويعودون إلى مصر
بالطبع لأأأأأأأأأأأأ لانى لا اقبل بان اتزوج من جنسية غير بلدى دة اولا ثانيا انا مخطوبة الحمد لله

[awham]

اهلا بيكي مرفت معانا وشكرا لمشاركتك بهذا الموضوع

حبيبتي A&R اكيد تعلمتي اشياء وانتي في الغربة
ماهو اكثر شيء استفدتي منه وانتي بعيدة عن بلدك

[A&R]

اهلا بيكي مرفت معانا وشكرا لمشاركتك بهذا الموضوع
حبيبتي A&R اكيد تعلمتي اشياء وانتي في الغربة
ماهو اكثر شيء استفدتي منه وانتي بعيدة عن بلدك

احلى حاجة فعلا اتعلمتها المعرفة ( عرفت حاجات كتير عن عادات وتقاليد دول اخرى سواء دول عربية او غير عربية فلكل بلد عادات وطباع فالكويت دولة مختلطة من جميع الجنسيات ) وكمان التربية الدينية هنا يعنى الاطفال يذهبون للمسجد لحفظ القرآن كما مادة التربية الاسلامية هنا اساسية كأى مادة اخرى وتنقسم الى ( تربية اسلامية – أحاديث شريفة - قرآن) وكمان اتعلمت القناعة هنا زى ما قولت كل واحد فى حالة محدش فاضى للتانى الزيارات العائلية بتكون فقط فى اخر الاسبوع والترابط العائلى بيكون اكبر فى الغربة على فكرة يعنى فى اخر الاسبوع بنتجمع اما فى مصر بحكم انها اجازة كل واحد مشغول فى حياته اكتر

[الدمشقية]

بالطبع لأأأأأأأأأأأأ لانى لا اقبل بان اتزوج من جنسية غير بلدى دة اولا ثانيا انا مخطوبة الحمد لله
حبيبتي ربنا يتمملك على خير يارب ويجعلك قرة عين له ويجعله قرة عين لك

ماهي البلدان الأخرة التي زرتيها

[awham]

نخرج قليلا من اجواء الغربة ونبقى بالمنتدى
A&R ماذا تعني لك مملكة المرأة؟
اكثر شيء لفت اعجابك بالمنتدى؟
من هن المقربات الى A&R بالمملكة؟
بمناسبة اشرافك على قصر الترفيه والمسابقات
الف مبروك للمرة المليون كيف هو شعورك وانتي
مشرفة على اجمل قصر نلجأ اليه لايجاد الراحة والترفيه عن النفس؟

[A&R]

الله يبارك فيكى حبيبتى سافرت السعودية لأداء مناسك العمرة اكثر من مرة الحمد لله والله يكرمنى بعد الزواج انى احج بإذن الله ادعولى وسافرت العراق مرات عديدة بس طبعا قبل الغزو العراقى على دولة الكويت

[A&R]

نخرج قليلا من اجواء الغربة ونبقى بالمنتدى
A&R ماذا تعني لك مملكة المرأة؟
اكثر شيء لفت اعجابك بالمنتدى؟
من هن المقربات الى A&R بالمملكة؟
بمناسبة اشرافك على قصر الترفيه والمسابقات
الف مبروك للمرة المليون كيف هو شعورك وانتي
مشرفة على اجمل قصر نلجأ اليه لايجاد الراحة والترفيه عن النفس؟


فى البداية احب اقولك عجبتنى اسألتك جدا

المنتدى للأمانة بقى عندى ادمان انا اول مرة فى حياتى اشارك فى منتديات اصلا وعلاقتى بالانترنت كانت ضعيفة جدا دلوقتى نفسيتى بتتغير لما المنتدى بيعلق او يقفل وطبعا الى ملاحظ الموضوع دة اكتر خطيبى بيستغرب لية متعلقة بية كدة ... أما اثر شىء لفت نظرى فى المنتدى بأنة مفيد جدا جدا ومحترم بكل مواضيعة وروح التعاون والحب التى تسود كل الاعضاء مثل الاسرة الواحدة فعلا
اما الاعضاء كتيير والله يعنى لما بلاقى واحدة غابت او اختفت بابعت لها رساله خاصة اطمن عليها واسئلها لعل المانع خير ان شاء الله ههههههههههههه
المقربين بعد ما كتبت مسحت تانى لانى خايفة انسى واحدة والله بحبكم كلكم ولكل واحدة شخصية معينة فى خيالى
أما شعورى انى مشرفة بصراحة ما كنتش متوقعة خالص لانى المواضيع الى كتبتها . نزلتها هنا عشان الكل بستفيد زى ما انا استفدت ما كنش فى دماغى خالص موضوع الاشراف بس اكيد طبعا فرحت لانضمامى للإدارة

[awham]

شكرا لاجابتك الجميلة وفعلا كلنا بالمنتدى اخوات بمعنى الكلمة
يجمعنا حبا في الله وصدق المشاعر ونبل الاخلاق

[الدمشقية]

ربنا يخليكي ويسعدك يارب فعلاً كلنا اخوات وربنا يديم المحبة بيننا يارب

[A&R]

ربنا يخليكي ويسعدك يارب فعلاً كلنا اخوات وربنا يديم المحبة بيننا يارب

الله يخليكى حبيبتى الدمشقية وربنا يديم المحبة بينا آآآآآآآمين

[A&R]

كنت حابة أم ناصر ونسمة يكونو موجودين معانا هنا

[lwiza2000]

و الله يا احتي انا ما اعرف مادا اقول لكي سوى انني لا اعتبرك مغتربة كونك في بلد شقيق و قريب من مصر كن يبقى الانسان يفضل مكان ما يتمنى انوا يعيش فيه انا بصراحة احب بلدي لكني افضل لو اعيش في العاصمة احبها جدا و اموت فيها اتمنى انوا يتحقق حلمك بالعيش في مصر اصلك و السلام عليكم

[A&R]

و الله يا احتي انا ما اعرف مادا اقول لكي سوى انني لا اعتبرك مغتربة كونك في بلد شقيق و قريب من مصر كن يبقى الانسان يفضل مكان ما يتمنى انوا يعيش فيه انا بصراحة احب بلدي لكني افضل لو اعيش في العاصمة احبها جدا و اموت فيها اتمنى انوا يتحقق حلمك بالعيش في مصر اصلك و السلام عليكم

شكرا حبيبتى لمشاركتك معانا فى الحوار lwiza2000

[مرفت رضوان]

الله على ردك الجميل يا ميرا خلاص هادلعك ميرا ايه رايك
احساسك بالمنتدى وبالعضوات احساس جميل ويارب دايما نتجمع على الحب والخير
وسعيده جدا بيكى يا ميرا وان شاء الله نفرح بيكى عروسه جميله ومتنسيش تعزمينا
سؤالى التانى هو
ماهى هواياتك المفضله وبتقضى اوقات فراغك فى ايه

[رغدودتي]

السلام عليكم ورحمة الله وبركاته
في البداية كل الشكر والحب للغاليتين رباب واوهام وباهنيخهما على هذه الثنائية الرائعة في استضافة المغتربات

ارحب بيك غاليتي A&r
وفي نفس الوقت حابة اباركلك بكل الحب على الإشراف
انت تستاهلي كل خير
ربنا يوفقك
حبيت اسألي لو سمحت :
انت بعد المدة التي قضيتها في الكويت ومعاشرتك لاهلها بصفة خاصة وغربتك التي لا أعتبرها غربة كما قالت لويزة اكيد كان لذلك تاثير ما في تكوين شخصيتك ؟فماذا تقولين ؟

[A&R]

الله على ردك الجميل يا ميرا خلاص هادلعك ميرا ايه رايك
احساسك بالمنتدى وبالعضوات احساس جميل ويارب دايما نتجمع على الحب والخير
وسعيده جدا بيكى يا ميرا وان شاء الله نفرح بيكى عروسه جميله ومتنسيش تعزمينا
سؤالى التانى هو
ماهى هواياتك المفضله وبتقضى اوقات فراغك فى ايه


جميل قوى حبيبتى مرفت الاسم دة بجد اوك الكل ينادينى ب ميرا بعد كدة على فكرة احب اقولكم A & R دة عشان اول حرف من اسمى واسم خطيبى ودة الى مكتوب علىالدبلة برضوا
وان شاء الله تكون معزومين معايا يوم الفرح دة انتم تنورنى والله العظيم

هواياتى باحب القراءة وكنت بالعب كرة طايرة وبينج بونج واخدة تكريمات فيهم وعمل الحلويات بس دلوقتى كل وقت فراغى معاكم هنا من غير تردد

[A&R]

السلام عليكم ورحمة الله وبركاته
في البداية كل الشكر والحب للغاليتين رباب واوهام وباهنيخهما على هذه الثنائية الرائعة في استضافة المغتربات
ارحب بيك غاليتي A&r
وفي نفس الوقت حابة اباركلك بكل الحب على الإشراف
انت تستاهلي كل خير
ربنا يوفقك
حبيت اسألي لو سمحت :
انت بعد المدة التي قضيتها في الكويت ومعاشرتك لاهلها بصفة خاصة وغربتك التي لا أعتبرها غربة كما قالت لويزة اكيد كان لذلك تاثير ما في تكوين شخصيتك ؟فماذا تقولين ؟

بالفعل أثرت على شخصيتى نظرا لتربيتى بعيد عن بلدى فوالدى دائما يخاف علينا كثيرا ,,, فعندما سافرت الى مصر كان الوض صعب على شوية فى التعامل مع البنات او زملائى الشباب فى البداية لانى هنا فى مجتمع مغلق او بالاحرى من خوف والدى على . وجدت صعوبة فى التعامل مع نظام الحياة والله فاكرة اول يوم رحت فية الجامعه كان بابا معايا فاكرنى لسه فى المدرسة كنت مكسوفة جدا جدا بس مع الوقت اتعودت انى اروح لوحدى واعتمد على نفسى
( أثرت عليا انى صعب اتأقلم على الناس بسهولة او بالاصح أثق بالناس لان انا ماعنديش وسط يا ابيض يا اسود )

[awham]

شكرا لوجودك معنا لويزة وبانتظار مشاركاتك

[awham]

رغدودتي حبيبتي اسعدني تواجدك معنا بالملتقى
وربنا يخليكي حبيبتي على كلامك العسل
كلك ذوق وهذا ماعهدته فيك ياقمر

[nesmaiah]

الله الله *************** كل القمرات منورييييييييييييييييييين الموضوع
اهلا بيكم جميعا ولو تسمحولى ان اشاركم هذه الجلسه العائليه جدااااااااااااااااااااا

اولا: كل الشكر لحبيبات قلبى اوهام ورباب على محاولات تجميع الشمل
يارب دايما موفقين فى خطواتكم

ثانيا : قمر المملكه منورنا مرفت رضوان

ثالثا: ودى بقى حبيبة قلبى ميرا على راْى ميرفت
انا لسه شايفه الموضوع دلوقتى حبيت اشارك لاْن ميرا من الناس اللى فى المملكه
القريبين الى قلبى والمجتهدين جداااااااااا
وكمان مبروووك حبيبتى على الاشراف تساهليها

حبيبتى بعيد عن جو الغربه لان الكلمه دى مؤلمه
سؤالى :هل انتى صديقه لماما ؟؟ وهل لكى اخوات ؟ متفاهمين؟ وهل انت طباخه ماهره ؟
وعايزه اعرف الفرح امتى عشان اجهز نفسى ؟هههههههههههههههه

الله يوفقك حبيبتى ************ معلش لو كنت طولت عليكم

[awham]

نسماية حبيبتي منوررررررررررررة بوجودك ياقمر
و مشاركتك معنا في هذه الجلسة العائلية
تشرفنا وتسعدنا ياغالية

[نسمه]

السلام عليكم ورحمة الله وبركاته
اهلا ومرحبا ابنتى الغالية A&r الف مبروك الاشراف وشكرا لك للمجهود الرائع
مرحبا بكم اخواتى الغاليات وكنت اتمنى اشارك معكم هذا اللقاء الرائع الجميل
شكرا اخواتى الغاليات رباب واوهام بارك الله فيكم

[رباب عبد العاطي]

http://www.arabsys.net/pic/zkarf/36.gif (http://www.arabsys.net/pic/index.php)
اخواتى اولا بقدم اعتذارى عن عدم التواجد معكم واستكمال هذا الحوار الرائع وهذا الجمع الطيب الذى اجتمع على الحب وتفرقا على الحب
الشكر اولا لاوهام التى اتاحت لنا الفرصة للتواصل تخطى كل الحواجز لنجتمع معا نتعارف ونتحاور معا
http://www.arabsys.net/pic/zkarf/12.gif (http://www.arabsys.net/pic/index.php)
والشكر لضيفتنا الغاليه ميرا
انا هقول لها روروحبيبتى سعدنا بوجودك وبقبول دعوتنا وكنتى ضيفة عزيزة على قلوبنا
سعدنا بك وبحوارك وبتمنى لك السعاده من قلبى وعايزه افرح بك لتكونى اول عروس للمملكة نحتفل بها فى قصر العروس
http://www.arabsys.net/pic/zkarf/12.gif (http://www.arabsys.net/pic/index.php)
بشكر كل الاخوات اللائى شاركوا معنا بداية
من ملكة القلوب مرفت رضوان
وحبيبتى الدمشقية
ونسمايه
ولويزا
ورغدودتى
ام سعيد
وامنا الحبيبة نسمة
بشكر الجميع لمشاركتهم الطيبة ودائما نسعد بوجودكم معنا
لكل واحده منكم اهدى لها هذه الورده
http://www.arabsys.net/pic/wrod/13.gif (http://www.arabsys.net/pic/index.php)

[عيون المغرب]

بسم الله الرحمن الرحيم



اهلا بيكى يا ابنتي اA&R الغاليه
مبروك علي الاشراف وانتي تستاهلي اكتر والله
وانا بقدم الاسف ليكي ولكل الملكات لعدم تواجدي معاكم باستمرار
حابه اسئلك
هل يا تري بتحبي عادات وتقاليد الكويت او عادات وتقاليد مصر
وربنا يوفقك يابنتي
تحياتي ليكي

[مرفت رضوان]

http://www.3tt3.net/up4/get-5-2007-d3qa2exk.jpg

[A&R]

العادات والتقاليد هنا مناسبة لينا كشرقيين بس اكيد احب عادات وتقاليد بلدى أكثرلان البنت او الانسان بيطبع بعادات اهلة

[A&R]

بجد يا حبايبى باشكركم جدا على حضور الحوار
احب بقى اقولكم على سر كبير جدا وخاصتا نسماية حبيبتى لازم تكون موجودة

[A&R]

يا جماعة نسمة مشرفة النباتات تبقى



مــامــا

[مرفت رضوان]

مااااااااااااااااااااااااااماااااااااااااااااااااا اااااااااااااااااااا
معؤؤؤؤؤؤؤؤؤؤؤل

[مرفت رضوان]

مفاجأه روووووووووعه

[نسمه]

السلام عليكم ورحمة الله وبركاته
اخواتى الغاليات مرحبا بكم وشكرا لكم للترحيب بابنتى الغالية A&r
خطيبة ابنى الحمد الله ربنا كرمنى بها وهى فعلا ابنتى بارك الله فيها

[رباب عبد العاطي]

حبيبتى فعلا مفاجاة جميلة كنت اتوقعها
لقد لمحتى لى اكثر من مرة عن قربك ومعرفتك بامنا الغاليه نسمه فتوقعت صلة قرابة بينكم
حبيبتى ماشاء الله ربنا رزقك بحماة ملاك والله مش هنقول حماة هنقول ام
بسم الله ماشاء الله عليها نعم الام والمثل الزراعة علمتها الذوق والرقة فى المشاعر عندما اتغيب لفترة بسيطة اجد رسائلها الجميلة تسال عنى
بجانب مشاركتها الطيبة والتشجيع المستمر
حبيبتى رورو ضعيها جوه عيونك
ربنا اكيد بيحبك ربنا يسعدك

[A&R]

أحبائى بجد نسمة ماما مش عشان هى حماتى لان انا وهى الحمد لله العلاقة بينا جميلة جدا وربنا كرمنى بأحسن انسان فى الدنيا وهى أم عظيمة وتستاهل فعلا لقب الام المثالية عن جدارة ,, لانها ربت ابنائها على طاعة الله ورسولة
مش عارفة ممكن اقولكم ايه بس اعتقد انتو كدة عرفتوا عنى كل حااااااااااااااااااااااجة ولكم منى زيل الشكر والاحترام والتقدير وإن شاء الله اكون عند حسن ظنكم فيا

[A&R]

حبيبتى فعلا مفاجاة جميلة كنت اتوقعها
لقد لمحتى لى اكثر من مرة عن قربك ومعرفتك بامنا الغاليه نسمه فتوقعت صلة قرابة بينكم
حبيبتى ماشاء الله ربنا رزقك بحماة ملاك والله مش هنقول حماة هنقول ام
بسم الله ماشاء الله عليها نعم الام والمثل الزراعة علمتها الذوق والرقة فى المشاعر عندما اتغيب لفترة بسيطة اجد رسائلها الجميلة تسال عنى
بجانب مشاركتها الطيبة والتشجيع المستمر
حبيبتى رورو ضعيها جوه عيونك
ربنا اكيد بيحبك ربنا يسعدك


هى بمنتهى الامانة زوق مع كل الناس وإمرأة حكيمة جدا جدا
انا فعلا ربنا بيحبنى عشان هى مش حماة خالص وهحطها جوة عينى طبعا يا رباب عرفتى دلوقتى بقى ليه قولتلك على موضوع حوار مع الحموات المشرفات
كنت عاوزة اقولهالك بعد الحوار مفاجأة بس يلة بقى طلعت فى وقتها بمناسبة الاشراف والحوار الجميل دة

[نسمه]

السلام عليكم ورحمة الله وبركاته
ابنتى الغالية رباب بارك الله فيك شكرا لمشاعرك الجميلة الرقيقة
رباب انا سعيدة بشخصية الرائعة وطيبة قلبك وعطائك الجاد
تمنياتى لك بالتوفيق والنجاح المستمر

[رباب عبد العاطي]

اشكرك امى الحبيبة على ذوقك وبمناسبة هذا الجمع الطيب انا عايزه احظى بحوار مع الام المثالية الثانية لقصر الاستشارات والمعرفة واريد تحديد موعد لهذا الحوار
طبعا هتشاركينى يا رورووهنثير موضوع الحموات المشرفات
سوف اسعد به جدا وسيسعد به غير من اعضاء المملكة

[رباب عبد العاطي]

انا بشكرك حبيبتى عيون المغرب لمشاركتك لنا هذا الجمع الطيب ودائما نكون عند حسن ظنك

[نسمه]

السلام عليكم ورحمة الله وبركاته
ابنتى الغالية A&r اشكرك لرقة مشاعرك وكلامك الجميل
بارك الله فيك وفى اسرتك الكريمة
اتمنى من الله يسعدك ويسعد كل الاخوات فى مملكتنا الجميلة

[مرفت رضوان]

كانت مفاجأه حلوه والاحلى علاقتكم الجميله ببعض
ماشاء الله ربنا يوفقك يا ميرا فى زواجك ويباركلك فيه وترزقى بالذريه الصاله
ماما نسمه اسمحيلى اقولك ماما نسمه لما احسه من حنان وهدوء النفس والطمانينه
فانت بحق انسانه رقيقه ربنا يباركلك فى اولادك وتفرحى بهم
سعيده ان نجتمع سويا اسره واحده فى هذه المملكه التى اصبحت بيتنا الثانى
يارب نتجمع دايما على الخير والافراح
واوعوا تنسوا تدعونى فى الفرح ان شاء الله

[nesmaiah]

فجرتى المفاجاْه ياقمر
بس احلى مفاجاْه حبيبتى
ربنا يخليكواااااااااا لبعض ويديم المحبه بينكم يارب
بس انا ماكنتش اعرف انها حماتك فعلا
لاْنك بتقولى ماما على طول بس هى اكيد تستاهل الكلمه بكل معانيها
ماشاء الله ********* ماشاء الله
الله اكبر ***الله اكبر----------------- انا ماسكه الخشب ربنا يديم عليكم المحبه
وتكونى ابنه باره لاْمنا الغاليه نسمه

بس حبيبتى ميرا انت ما ردتيش على الاسئله بتاعتى
انا مستنيه ردك ياقمر

[نسمه]

السلام عليكم ورحمة الله وبركاته
الغالية والعزيزة على قلوبنا مرفت بارك الله فيك وفى اولادك حفظهم الله
اشكرك ابنتى الغالية لصدق مشاعرك الجميلة الرقيقة
المملكة اصبحت لى اسرة كبيرة مليئة باحلى الاخوات يجتمعون دائما على الخير والعطاء الرائع
تمنياتى لمملكتنا الجميلة النجاح والتقدم والصورة المشرفة دائما

[نسمه]

شكرا لك احلى نسماية لطيبة وحنان قلبك
بارك الله فيك غاليتى نسماية الجميلة
بارك الله فى كل الاخوات الغاليات

[A&R]

نسماية حبيبتى بالنسبة لأسئلتك انا وماما علاقتنا الحمد لله حلوة جدا وهى مش بس ماما صديقتى كمان ( ماما بجد والله)
والفرح مش الصيف دة الى بعدة ان شاء الله وان شاء الله تنورونا فى الفرح أدعولى ربنا يكملنا على خير ان شاء الله

[awham]

شكرا لكي حبيبتي ميرا على تلبيتك الدعوة

وقد سعدنا بك جدا وسعدنا بحماتك ايضا الغالية

علينا نسمة ونعمة الام هي ربنا يخليكوا لبعض

ويكمل فرحكم ونشوفك عروسة في قصر العروس

يارب.

شكرا لكل من شاركنا الحوار الرائع سواءا في بدايته

او نهايته لكم مني خالص الحب والتقدير

على ان نلتقي في الايام القادمة مع ضيفة جديدة

بحول الله .

شكرا لكن على التواصل الرائع.

http://upsarab.com/uploads/82988c525a.gif

[أماني]

ايه ده يعني أنا جاية في نهاية الحوار :ouin: :ouin: :ouin:

ده أنا كنت لسه عايزة أرحب بالغالية a&r :kiss3: :kiss3: اللي دايما بتتحفنا بمواضيعها الجميلة وأباركلها ع الاشراف

وأباركلكم ع القصر الجميل ده:bravo: :bravo: :bravo: :bravo: :bravo: اللي شدني لحد ما قريت ال9 صفحات

أنا دايما كده متأخرة اهئ اهئ اهئ:19_193:

أنا كمان بعيط :ouin: :ouin: :ouin: : عشان الجو الأسري الجميل ده بجد أثر فيا وأنا بحبكم كلكم كلكم كلكم:kiss3: :kiss3: :kiss3: :21_139: :21_139: :21_139:

وانتو انشاء الله أسرتي اللي أتمني تفضل معايا لما أتغرب

ربنا يتمملك علي خير يا ميرا ويسعدك بأمك نسمة اللي الكل بيشكر فيها

[رباب عبد العاطي]

ايه ده يعني أنا جاية في نهاية الحوار :ouin: :ouin: :ouin:
ده أنا كنت لسه عايزة أرحب بالغالية a&r :kiss3: :kiss3: اللي دايما بتتحفنا بمواضيعها الجميلة وأباركلها ع الاشراف
وأباركلكم ع القصر الجميل ده:bravo: :bravo: :bravo: :bravo: :bravo: اللي شدني لحد ما قريت ال9 صفحات
أنا دايما كده متأخرة اهئ اهئ اهئ:19_193:
أنا كمان بعيط :ouin: :ouin: :ouin: : عشان الجو الأسري الجميل ده بجد أثر فيا وأنا بحبكم كلكم كلكم كلكم:kiss3: :kiss3: :kiss3: :21_139: :21_139: :21_139:
وانتو انشاء الله أسرتي اللي أتمني تفضل معايا لما أتغرب
ربنا يتمملك علي خير يا ميرا ويسعدك بأمك نسمة اللي الكل بيشكر فيها

اختنا الحبيبة امانى نعمل لك ايه انتى اللى جايه متاخره عموما نرحب بك وبوجودك معنا دائما
كلنا بنحبك وهنسعد انك تكونى فرد من افراد اسرتنا الجميلة

[أماني]

شكرا يا رباب ع الترحيب وجزاكي الله خيرا كثيرا

[om naser_64]

كنت حابة أم ناصر ونسمة يكونو موجودين معانا هنا


معلش حبيبتي من كثر الضغط ضاعت مني المواضيع

انا قرأت لحد ما وصلت لسؤالك ياجميل

انا وزوجي واولادي سنو وايت وناصر من مواليد الكويت عشت فيها 26 سنة اجمل ايام عمري

فكل ما ذكرتيه عنها نقطة في بحر من حبي الكبير

انا لما غادرتها بعد ازمة الخليج حسيت انه روحي انسحبت مني وبقيت كثير على هالوضع متأثرة ونفسيتي محطمة :crying: :crying:

انا ماراح اسالك عن اي شئ في الكويت فهي في خيالي دائما في حرها وبحرها وبلاجاتها وابراجها والكثير ..............

عادت بي الذكريات لك يا كويت

يايليتك تذكريني يا ميرا بما سهوت


اسعدني كل هذا الحب الذي جمعنا وابارك لك على الاشراف

تستحقينه بجدارة

وكانت المفاجأة الجمييييييييييييييييلة جدا والسعيدة ان اكتشف أن نسمه حماتك الغالية

ادامكم الله لبعض ووضع حبك في قلبها وغرس هذا الحب كالنبات الذي تحبه

ومعلش جيت متأخره بس اكيد قلبكم كبير وبانتظار باقي الاخوات الغاليات

ونحن ايضا نعتبر مغتربات فان فلسطينة ووطني مغتصب واعيش في الاردن بامان والحمد لله

قبلاتي للجميع ولك مني عودة

[A&R]

معلش حبيبتي من كثر الضغط ضاعت مني المواضيع
انا قرأت لحد ما وصلت لسؤالك ياجميل
انا وزوجي واولادي سنو وايت وناصر من مواليد الكويت عشت فيها 26 سنة اجمل ايام عمري
فكل ما ذكرتيه عنها نقطة في بحر من حبي الكبير
انا لما غادرتها بعد ازمة الخليج حسيت انه روحي انسحبت مني وبقيت كثير على هالوضع متأثرة ونفسيتي محطمة :crying: :crying:
انا ماراح اسالك عن اي شئ في الكويت فهي في خيالي دائما في حرها وبحرها وبلاجاتها وابراجها والكثير ..............
عادت بي الذكريات لك يا كويت
يايليتك تذكريني يا ميرا بما سهوت
اسعدني كل هذا الحب الذي جمعنا وابارك لك على الاشراف
تستحقينه بجدارة
وكانت المفاجأة الجمييييييييييييييييلة جدا والسعيدة ان اكتشف أن نسمه حماتك الغالية
ادامكم الله لبعض ووضع حبك في قلبها وغرس هذا الحب كالنبات الذي تحبه
ومعلش جيت متأخره بس اكيد قلبكم كبير وبانتظار باقي الاخوات الغاليات
ونحن ايضا نعتبر مغتربات فان فلسطينة ووطني مغتصب واعيش في الاردن بامان والحمد لله
قبلاتي للجميع ولك مني عودة



ولا يهمك ام ناصر اولا ولا اخرا برضوا نورتى الحوار
والله يباركلك فى اولادك وتفرحى بيهم ان شاء الله

[A&R]

ايه ده يعني أنا جاية في نهاية الحوار :ouin: :ouin: :ouin:
ده أنا كنت لسه عايزة أرحب بالغالية a&r :kiss3: :kiss3: اللي دايما بتتحفنا بمواضيعها الجميلة وأباركلها ع الاشراف
وأباركلكم ع القصر الجميل ده:bravo: :bravo: :bravo: :bravo: :bravo: اللي شدني لحد ما قريت ال9 صفحات
أنا دايما كده متأخرة اهئ اهئ اهئ:19_193:
أنا كمان بعيط :ouin: :ouin: :ouin: : عشان الجو الأسري الجميل ده بجد أثر فيا وأنا بحبكم كلكم كلكم كلكم:kiss3: :kiss3: :kiss3: :21_139: :21_139: :21_139:
وانتو انشاء الله أسرتي اللي أتمني تفضل معايا لما أتغرب
ربنا يتمملك علي خير يا ميرا ويسعدك بأمك نسمة اللي الكل بيشكر فيها

شكرا حبيبتى أمانى على كلامك الجميل ويلة بقى شدى حيلك واتجوزى عشان نبقى نستضيفك هنا برضوا و هابقى اجى بدرى فى اول الحوار يا قمر هههههههههههه:وانتى فعلا بقيتى معانا فى الاسرة الجميلة هنا