طلب هام من كل محبى الكروشيه

[smsm_sh]

السلام عليكم ورحمة الله وبركاته


انا عايزه طلب مهم


عايزه حد يشرحلى طريقة البلوزه دى

ومعلش بالتفصيل


انا لسه متعلمة غرز الكروشيه

ونفسى اعمل الموديل ده


الموديل معاه باترونه


بس انا مش بعرف ف الباترون


فياريت حد يشرحه بالسطور

او حد يعمله ورشه

والموديل اهو

http://img102.herosh.com/2009/06/05/465124773.jpg[/


http://img101.herosh.com/2009/06/05/962059240.jpg[/url

[url=http://www.herosh.com]http://img102.herosh.com/2009/06/05/23002459.jpg


http://img101.herosh.com/2009/06/05/681496743.jpg


ياريت تردوا عليا بسرعه


جزاكم الله خيرا

[smsm_sh]

انا زعلالانه


يعنى 8 زيارات للموضوع ومحدش رد عليا


؟؟؟؟؟؟؟؟؟؟؟؟؟؟؟

[الوردة البيضاء2010]

حبيبتي سمسم انا شرحت البلوزه دي قبل كده لاخت اسمها سندريلا شوفي الرابط ده هيفيدك جدا

http://www.malekat.com/vb/showthread.php?t=33876

[smsm_sh]

ميرسى يا سها ع الرد

فعلا الرابط عليه البلوزه

بس اللى موجود الوحدات بس


لكن مفيش شرح لباقى البلوزه وازاى نبدأ


عموما انشاء الله هعمل ال8 وحات واشبكهم واجيلك تانى تقولى اكمل ازاى


شكرا تانى ليكى

[عبق الريحان]

بارك الله فيك
روعة يسلمواااااااااااا

[الوردة البيضاء2010]

امورتي سمسم انتي هتبتدي بالوحدات وتظبطي مقاسك وبعدين تكملي الغرزه اللي شرحتها الاخت نهوله وانا تحت امرك حبيبتي وانا امشي معاكي خطوه خطوه

[smsm_sh]

ميرسى سها ع اهتمامك

بصى بقى يا ستى

الجزئيه بتاع

الدوران الرابع نطاع بسلسلة فى العمود اللى تحته وبعدين غرزة حشو فى اول سلسلة بعد العمود وبعد كده هنعمل خمس غرز بريد منها اول بريد وآخر بريد هيكون نصف عمود والتلاتة اللى فى النصف بريد بلفة واحدة وبعدين غرزة حشو فى تلات سلسة( يعنى كل تلات سلاسل بين البريد نعمل فيهم غرزة حشو وخمس بريد وحشو) وهنفصل بغرزة أمامية راح تدخلي الابره لعمل الغرزه الجديده في العروه الاماميه اللي امامك انتي
العروة الامامية للسلسلة ونكرر لآخر السطر


انا كملت من غير ما اشوف الغرزه الاماميه

بس بردو مش فاهمه تيجى ازاى

بصى هوريكى انا عملت ايه

وصححيلى انتى بقى

http://up.arb-up.com/i/00037/vata1u5w3sc0.jpg

[smsm_sh]

انا حاولت افهم الجزئيه اللى بعتهالك

والحمد لله بيتهيقلى عملتها صح


وياريت لو فى حاجه تصححيلى



http://i.imagehost.org/0283/6_17.jpg (http://i.imagehost.org/view/0283/6_17)




بعد كده بصراحه بقى مش فاهمه

يعنى اول السطر السابع


ياريت توضحيه بالراحه وبالتفصيل

انا عارفه انى تعباكى بس استحملينى

[الوردة البيضاء2010]

حبيبتي سمسم انا صغرتلك الصوره علشان تظهر كويس

انتي عارفه البريد الامامي ده ازاي هو انك بعد ما تاخدي اللفه بدل ما تدخلي في العروه بتدخلي خلف العمود نفسه في السطر السابق وممكن تشوفي ورشه الاخت هوبا لعمل طاقيه شارحه الغرزه دي كويس وورشه بلوفر عمر للاخت ماما سلمي برضه شارحه الغرزه دي ممكن تشوفيها

السطر السابع هنعمل فى العمود التالت 5 سلاسل وبعدين فى عندكم فى الباترون شكل الفيونكة دى غرزة البيكو عباره عن دائره تزيينيه صغيره من 5 سلسله ثم تشبكيها على شكل دائره في اول سلسله في نفس الغرزه بعدين تعملي البيكو الثانيه ثم الثالثه وكلهم ورا بعض وبعدين هنعمل 5 سلاسل ونقفلهم فى العمود التالت من الخلف يعنى البريد رقم 8 ونطلع بخمس سلاسل وبعدين البيكو وننزل بخمس سلاسل بس المرة دى هنقفلهم فى النصف اى فى البريد رقم خمس يعنى واحدة كده وواحده كده وهكذا لآخر السطر.


بصي يا قمر بدايه السطر السابع هتشتغلي 10سلسله اوكيه
ثم تدخلي بالابره في الغرزه رقم6في السلسله دي وتغلقيها بمنزلقه اوكيه؟

ثم تشتغلي 5سلسله وتدخلي الابره في اول سلسله من ال5دول وغلقيها بمنزلقه

وكمان تعملي 5سلسله وتقفليها بمنزلقه هيديكي شكل الفيونكه

تروحي عامله 5سلسله وتقفليهم في خلف العمود التالت وكملي ما جاء في السطر السابع

[smsm_sh]

ازيك يا

مش عارفه اقولك سها ولا جنات

انا لقيت ناس هنا بيقولولك جنات

شوفى يا ستى

انا بعد تركيز ف شرحك والباترون

الحمد لله اخيرا خلصت اول وحده

وبكره ان شاء الله هعمل التانيه واوصلهم

انا عايزه بقى اعرف ابدأ شغل البلوزه منين

يعنى بعد تشبيك الوحدتين

اعمل ايه

بس بقولك ايه

براحه عليا ف الشرح

وابقى اشرحى جزئيه كبيره لانى فاضيه معظم اليوم

وبصراحه عايزه اخلصها بسرعه

انا عارفه انى تعباكى معايا

بس من عشمى بقى

اوعى تنسى تدخلى الموضوع

هستنى ردك

استنى

صورة الوحده اهى


انا عملتها بخيط الصوف عشان تبقى شتوى

بس حاسه انه تخين

عايزه رأيك




http://up.arab-x.com/Dec09/yKd87527.jpg

[الوردة البيضاء2010]

حبيبتي سمسم انتي بعد ما عملتي الوحده هتشوفي عرضها كام سنتي

2-هتقيسي دوران وسطك وتشوفي انتي عايزه كام وحده لمقاسك

ممكن تشبكي وحدات الدوران كله وتحددي الامام والخلف

او ممكن تشبكي وحدات الظهر ووحدات الجانب الايمن ووحدات الجانب الايسر زي ما تحبي بس عرفيني هتعملي ايه

دي صوره للبلوزه ومخططاها علشان تعرفي هنمشي ازاي
http://i.imagehost.org/0917/11111_8.jpg (http://i.imagehost.org/view/0917/11111_8)

اول حاجه هتشتغلي الوحدات اللي معلمه عليها بالاحمر اوكيه؟

ثانيا هتشتغلي الجزء المشار عليه بالاصفر لكل جانب لوحده والظهر لوحده اوكيهظ

ثالثا هتشتغلي الجزء اللي بالازرق وده هتشتغلي الامام والخلف مع بعض يعني دوران علشان ميكونش فيه خياطه اوكيه

رابعا الاكمام

خامسا الجزء المظلل بالاخضر وده هيكون برواز للجاكيت وهيكون من الامامين وحول الرقبه اوكيه يا سمسم؟ اي استفسار قوليلي

[smsm_sh]

ربنا يخليكى ع الشرح الجميل ده متحرمش منك


انا قيست الوحده

ولقيت انى هحتاج وحدتين ف الضهر ووحده للجانب الايمن ووحده للايسر

وبيتهيقلى اشبكهم الاربعه مع بعض

الدوران كله يعنى

ابقى خلصت جزء

اعتقد ان كده اسهل ولا انتى رأيك ايه

انا عملت ووحدتين وان شاء الله اعمل الاتنين التانيين عشان ابقى خلصتهم


بس انتى ف اول الشرح قلتى اننا هنحتاج 8 وحدات

هو انا عملت غلط ولا ايه ؟

ومقولتيش رأيك ايه ف الوحده بتاعى؟؟؟؟

[الوردة البيضاء2010]

انا رديت علي راي في شغلك يا قمر تسلم ايدك انا قلت هنحتاج 8وحدات لان الخيط صيفي رفيع

ثانيا كل واحده مقاسها غير التانيه

هتعملي الوحدات وتلفيها علي وسطك وتاكدي من المقاس انه مظبوط

وبعدين باي فتله من الخيط بلون غير لون شغلك حددي الظهر هيبدا فين وينتهي فين علشان هنشتغل ان شاء الله الظهر لوحده والجانب الايمن لوحده والايسر لوحده اوكيه؟

[smsm_sh]

انا لما قيست الوسط قلت هحتاج 4 وحدات

وفعلا لسه من شويه مخلصه تشبيك الاربع وحدات

بس لما حطيتهم وهما مشبوكين ع وسطى حسيت انهم زياده حوالى 5 سم

مش عارفه اصغرهم ازاى

بيتهيقلى الموديل ده المفروض يبقى مجسم اشيك يعنى

[الوردة البيضاء2010]

حبيبتي سمسم لو الزياده مش عجباكي ممكن تقللي عدد الغرز اللي شبكتي بيهم

يعني تفكي التشبيك وتشبكي تاني بعدد اقل

وممكن اخر سطر بكل وحده تققللي عدد غرز السلسله

جربي وقوليلي عملتي ايه

[smsm_sh]

بصى يا جميل

انا قللت عدد غرز السلسه ف اخر سطر

يعنى بدال 5 س عملت 4 س

والحمد لله اتظبطت


يلا بقى قولى اعمل ايه بعد كده

بس براحه عليا

[smsm_sh]

انتى فين يا سها ؟؟؟؟؟؟؟؟؟


بقالك يومين سيبانى


يارب تكونى بخير